REDEMPTIO Poenarum Eccles

REDEMPTIO Poenarum Eccles

in Communione Romana varie fit. In Hispania ea redimenda ratio frequentior esse consuevit, quod Rege aulicis puellis puerisve aut aliis, quibus obgratiosa obsequia gratificari constituit, aliquot Sambenitorum redemptiones dono dante, is qui accepit donum sollerter investigat, ubi et qui eâ poena mulctati sint, quibus illam maioris redimendi et facultas et voluntas suppetat, cum quibus postea de pretio paciscitur, prout potest commodius, pluris minorisve, tum personae coementis tum etiam ipsius Sambeniti ratione habitâ: qui enim eratn irremissibiles, carius; qui inmurati, minoris etc. vendi solent. Quâ eâdem munificentiâ consuevit Rex uti erga nonnullos, qui ad redimendos ex Turcica aut Maurica civitate fratres aut affines suos eâ pecuniâ Sambenitorum iuvari orant. Ei vero. qui Sambenito exui curat, ut vel apud Regem ipsum voti fiat compos, benevolentiam Inquisitorum atque etiam Scribarum ut sibi antea conciliet, maxime opus

est, ne res in irritum cadat etc. qua de re vide Phil. a Limborch, Histeriâ Inquisit. l. 4. c. 32. ut et hîc passim, ubi de paenitentiis, ut vocant, in praefata Ecclesia, reis, qui citra mortem puniendi veniunt, irrogari solitis.